Çështja e emrit të Maqedonisë, duket se do të gjejë zgjidhje në një referendum popullor. Të paktën sipas idesë që ka hedhur Kryeministri maqedonas Zoran Zaev.
Në një intervistë për një televizion bullgar, Zaev thotë se do të organizojë një referendum popullor për çështjen e emrit, përpara se të nënshkruajë marrëveshjen përfundimtare me Athinën.
Sipas Zaev, edhe pala greke po shqyrton mundësinë e nisjes së një dialogu të brendshëm për këtë çështje në mënyrë që zgjidhja të jetë sa më gjithëpërfshirëse.
“Referendumi duhet të jetë garanci shtesë që i jep fund të gjitha dyshimeve, teksa populli vendosë për zgjidhjen. Jam i bindur se maqedonasit janë të gatshëm ta pranojnë”. tha Kryeministri maqedonas
Por për palën greke, një referendum i tillë në Maqedoni minon negociatat pasi Athina është e bindur se shumica e maqedonasve nuk pranojnë tjetër variant emrit Maqedoni.
